魚蛋佬

呢間嘢啲秘製醬汁簡直一流，去咗太安樓，都會忍唔住要買一兩串，過下口引,。

秘製醬汁應該有沙嗲同辣椒，甜甜辣辣的，好有層次，令人食完又想食。初初食落唔覺得好辣，食完先覺厲害，要去隔離食多碗糖水解辣。

今次冇食牛丸。叫咗魚蛋($6）、齋（$6）、同腸仔（$3）。只係15蚊。

齋係必食推介，因為能夠吸盡秘製醬汁，醬汁係口入面爆出嚟，嗰種滿足嘅口感，非筆墨能形容！

腸仔煑得太淋，似豆腐多啲，冇咬口，個人都係鍾意炸腸仔多啲。

魚蛋質地冇乜特別，佢冇幫我點夠醬汁。你知咖哩魚蛋唔夠汁就唔好食㗎喇。


職員姐姐一如既往的，好有霸氣。係對自己食物嘅信心表現吧！