影片
更多
2022-12-03
309 瀏覽
踩單車經過科學園，會見到湖邊開咗呢間中菜館，空間感十足，有室內同埋戶外嘅位置，戶外直接欣賞到湖景好chill🏞，夜晚仲有燈飾佈置🌟，感覺好relax☺️。但近排天氣有啲凍，所以就坐咗室內嘅位置😝。 店裡面有好多得意公仔造型嘅包點🤗，而且店員都好熱情咁推介佢地嘅招牌菜，食過真係樣樣都有番咁上下水準👍，特別係👉爆汁乳鴿、酒香牛舌、氣鍋雞同埋避風塘軟殼蟹👈，味道得特別出色😋。 ❤爆汁乳鴿乳鴿色澤好靚，皮脆肉厚，咬一口熱辣辣嘅肉汁咇曬出嚟，非常之香口🤩。另外餐廳有埋手套，可以攞住大啖食又唔使整污糟隻手🤗。 ❤氣鍋雞用紫砂茶壺裝住夠曬特色，裏面其實係椰子雞湯🥥🐥。椰香味道濃郁，倒入細細杯茶杯裏面飲，一杯一啖，好似飲極都飲唔曬咁🤣，份量都唔少。 茶壺入面仲有好多椰子肉同埋雞肉，真材實料😍。 ❤鹵水豆腐豆腐大塊而且好軟滑，外皮有濃濃嘅鹵水香味。 ❤酒香牛舌每一塊牛舌都又厚又大舊，入口有好濃郁嘅酒香味 🍷，肉質非常之軟腍，有少少鎮江肴肉嘅質感。 ❤土炮雪茄其實係蒜蓉蝦春捲，整到好似雪茄咁樣，好明顯就係需要攞嚟影相打卡嘅😚，餡料蝦肉好新鮮彈牙。 ❤火雲叉燒好有睇頭嘅一道菜，火焰叉燒，叉燒有燶邊好香脆，大大
店裡面有好多得意公仔造型嘅包點🤗，而且店員都好熱情咁推介佢地嘅招牌菜，食過真係樣樣都有番咁上下水準👍，特別係👉爆汁乳鴿、酒香牛舌、氣鍋雞同埋避風塘軟殼蟹👈，味道得特別出色😋。
❤爆汁乳鴿
乳鴿色澤好靚，皮脆肉厚，咬一口熱辣辣嘅肉汁咇曬出嚟，非常之香口🤩。另外餐廳有埋手套，可以攞住大啖食又唔使整污糟隻手🤗。
❤氣鍋雞
用紫砂茶壺裝住夠曬特色，裏面其實係椰子雞湯🥥🐥。椰香味道濃郁，倒入細細杯茶杯裏面飲，一杯一啖，好似飲極都飲唔曬咁🤣，份量都唔少。 茶壺入面仲有好多椰子肉同埋雞肉，真材實料😍。
❤鹵水豆腐
豆腐大塊而且好軟滑，外皮有濃濃嘅鹵水香味。
❤酒香牛舌
每一塊牛舌都又厚又大舊，入口有好濃郁嘅酒香味 🍷，肉質非常之軟腍，有少少鎮江肴肉嘅質感。
❤土炮雪茄
其實係蒜蓉蝦春捲，整到好似雪茄咁樣，好明顯就係需要攞嚟影相打卡嘅😚，餡料蝦肉好新鮮彈牙。
❤火雲叉燒
好有睇頭嘅一道菜，火焰叉燒，叉燒有燶邊好香脆，大大塊而且肥瘦適中😋。
❤避風塘軟殼蟹
我覺得呢樣真係整得好出色，避風塘蒜粒好乾爽，粒粒分明，入面加咗紅椒同豆豉炒，而且好夠辣🔥，非常之惹味。食得辣嘅朋友一定要試一試，軟殼蟹好酥脆，但係一d都唔油膩😋。
❤南瓜素盒
賣相好靚😲，一個南瓜仔裝住一啲雜菇，係一碟好吸睛嘅素菜，而且南瓜肉係軟軟地嘅可以嚟同啲菇粒一齊食。
❤烈焰菠蘿炒飯
又係一個火焰之作，一上檯會比客人拍一拍片先🔥。 菠蘿好大個，入面係滿滿嘅炒飯，瑤柱同埋蛋白嘅份量好多，菠蘿又甜又多汁🤩。一個菠蘿炒飯係足夠三個人食嘅份量😝。
❤貓山王榴蓮
鍾意食榴槤嘅朋友一定鐘意呢款甜品，質感就好似鮮奶布丁咁樣，榴槤嘅香味非常之濃郁，質感軟綿綿☺️。
❤椰香拉絲
呢個係薄脆蛋散上面加咗少少芝士🧀同埋椰絲，椰香味好突出。
❤冷泡茶
揀咗白桃烏龍同埋瑰麗堂皇，前者香甜，後者玫瑰味突出🌹，而且係冇加糖嘅，係比較健康嘅飲品。
張貼
