美心西餅 (尖沙咀站) (已結業)

話說今個星期女友爸爸生日要奉命買生日蛋糕比一家人食, 咁就唔可以得一磅咁小家, 不過時間又緊迫, 唔能夠訂製, 只可以買現貨 美心西餅作為香港最有名嘅西餅店之一 佢本身出產嘅西餅我一向都比較少食, 因為都好驚大集團嘅大量生產導致風味欠奉, 不過今次買呢個蛋糕嘅水準就同我過去嘅想像有所出入, 原來美心嘅蛋糕都進步左好多呢因為秋天關係所以都開始推出當造嘅產物主題, 例如粟子, 雖然近年天氣愈來愈溫暖, 但炒栗子響秋意濃嘅時候絕對係暖手暖胃嘅恩物, 不過都愈來愈少見, 如果想食栗子味嘅話, 可能買栗子蛋糕係更化算同可行嘅選擇如上圖所見,蛋糕分別有五層, 包括有栗子粒, 栗子慕絲, 鐵觀音茶味蛋糕同埋分別係瑞士栗子蓉同山東栗子蓉見切餅實物, 層次同宣傳資料相符, 而味道方面, 栗子粒份量好多, 而且蛋糕本身比較濕潤, 所以栗子粒都唔係乾身, 增加咬口感, 栗子慕絲方面如相中所見, 係非常厚身的, 不過味道算淡, 而且唔膩, 所以多食都唔大負擔, 雪凍左味道會更佳鐵觀音茶味蛋糕方面, 整個蛋糕取向都係比較清淡嘅風味, 所以蛋糕嘅存在都係達到設計者嘅心思, 因為配原味蛋糕會擔心甜味太重, 所以轉成