達人包車 (已結業)

捱過無盡的OT，終於有飯食！呢種感動，必定有共嗚。黎到<達人包車>，得番室外位，照殺！頭頂有強勁冷氣，唔熱得黎都幾爽。不過就會有食客吸煙，接受唔到二手煙可以等番室內位，雖然疑似要等好耐。芝士排骨(5件) $288就喺衝著呢個而黎！不停拉絲ing。排骨又淋又入味，唔加芝士一樣好食。不得不提個韓式辣醬，愈煲愈濃郁惹味，甜辣，唔會死辣。對於唔多好辣㗎我都不能自拔咁狂食索滿醬汁㗎芽菜，然後狂飲水。牛肉石鍋拌飯 $95驚死唔夠飽，叫多個飯。自己動手落醬撈，勝在自己調較辣度。好食！其實坐喺outdoor都幾有情調呀