尖沙咀棉登徑有間居酒屋叫渡邊屋，主打新鮮刺身壽司，秋天去最啱，因為有季節限定的秋刀魚刺身！秋刀魚魚骨多，師傅刀功要夠準夠細緻，切出來魚肉油潤細膩，入口即化，真係秋天的味道。
火灸壽司盛盒都唔可以錯過，有三文魚腩、海鰻、鰻魚、左口魚等，燒起來香氣撲鼻，炙燒控一定滿足。
天婦羅芥末熔岩蔥粒魚腩卷賣相超吸睛，似一座金黃色熔岩火山，醬汁淋得夠豪，魚籽鋪滿面，打卡一流，味道亦有驚喜。
間八魚柚子酢海葡萄沙律份量十足，海葡萄爽口爆汁，柚子酢酸香開胃，聽講海葡萄仲係男士保養聖品，食得開心又養生。
其他如炸秋刀魚骨、明太子海老卷、極上刺身丼都各有特色，渡邊屋真係一間值得慢慢試、慢慢欣賞的居酒屋。
1
2
1
