鋒哥廚房 (已結業)

住佐元朗咁耐近日先發掘到呢間鋒哥廚房，原來依家有做羊腩煲放題，$288食2個鐘;-)O(∩_∩)O~ 枝竹雙冬羊腩煲羊腩煲任食真係好少見，諗到都覺得餐廳會蝕呀！呢康既羊腩好足料，好大舊，俾既都係多肉少骨既腩位，肥美香口，羊腩好嫩，點啲腐乳咁食會好香，羊騷味唔會太濃，超級出色！(｡･ω･｡)任食海鮮火鍋配料之後火鍋係任食，海鮮都係其中一類任食既配料，選擇激多，有蟹、蜆、鮑魚、青口、蟶子、魷魚，基本上講得出既都有，每樣都好新鮮，即日運到，唔係急凍，唔會有雪味，只有海鮮既鮮味！淨係鮑魚我地都食唔停，好爽口好有咬口，超爽的！(´▽｀)有營蕃茄薯仔湯/黑蒜豬骨湯湯底我地叫佐兩款，試下唔同味，蕃落薯仔湯夠清甜健康，飲緊屋企煲既湯咁，豬骨湯就濃味啲，黑蒜味好濃，湯好奶白色好滑，兩個打邊爐都岩晒！打邊爐配埋任飲既啤酒就岩岩好啦🍻