燉 (已結業)

荔枝角由以前紡織業工廠到宜家有不少工商業寫字樓，一到放飯啲人多過螞蟻，所以呢邊都新開唔少餐廳。朋友約我食晏，話呢頭開左間飲湯好正既。最愛湯水既我就試下先🤤。門口簡簡單單，不過唔睇清楚真係好易行過左唔知🙈。湯水都幾多款選擇，大約40至80。不過燉湯無得加錢配飯，要入會先有。。。我地散叫就已經成百元一位。橫掂試就試豪啲啦！黑鮑燉雞加個魚肚排骨飯，茶葉蛋就朋友請既！個湯都真係幾清甜，又足料。佢有包鹽我都無加已經好有味，飲落又無口渴既感覺。越飲仲越熱，冬天一流。魚肚排骨飯魚肚幾入味，飯都唔淋有口感，都幾好。茶葉蛋就唔算好入味，一般般。呢間都幾好食，不過價錢就食晏唔可以成日食了。