影片
更多
2013-03-07
138 瀏覽
之前見朋友在fb上有呢間餐廳美食既相片, 所以向她問了電話/地址, 原來是私房菜 - $350/五道菜。由於慶祝生日不容有失, 一星期前已經whatspp預約, 店經理非常細心send埋相黎同我地講就在"東方紅"樓上, 所以食餐常晚好容易就找到地址。雖然係位於舊式唐樓, 要行4層樓梯, 但食到咁好質素同埋感受到小店既人情味, 很值得!先講環境, 係一個好簡單、燈光稍暗既環境下用餐, 添幾分浪漫。不過唔會太嚴肅。小小既店有只得十幾座, 但一d都唔迫, 因為全部是4人座位而全部客人都係2人couple, 經理都想客人食得舒服, 而不是為左做多幾單生意。我地一坐就坐左3個鐘先完成呢餐飯, 又飽又舒服, 又飲左少少酒, 直頭想瞓! haha 五道菜其中餐湯、意粉同甜品係fixed的。我地都叫左2杯house red wine $45/杯, 我唔識品酒, 但呢款易入口, 唔錯!先黎一份小吃, 送的! 食到好清新既蕃茄。鴨乾醬多士好香口, 而巴馬火腿就係平時的味道, 上邊加左少少甜醋, 唔錯! 呢個湯好足料, 入口啖啖磨菇蓉而且大小適中, 最上面既一層應該係蛋白泡沫, 令個湯飲落去冇咁膩。主菜,
由於慶祝生日不容有失, 一星期前已經whatspp預約, 店經理非常細心send埋相黎同我地講就在"東方紅"樓上, 所以食餐常晚好容易就找到地址。雖然係位於舊式唐樓, 要行4層樓梯, 但食到咁好質素同埋感受到小店既人情味, 很值得!
先講環境, 係一個好簡單、燈光稍暗既環境下用餐, 添幾分浪漫。不過唔會太嚴肅。小小既店有只得十幾座, 但一d都唔迫, 因為全部是4人座位而全部客人都係2人couple, 經理都想客人食得舒服, 而不是為左做多幾單生意。我地一坐就坐左3個鐘先完成呢餐飯, 又飽又舒服, 又飲左少少酒, 直頭想瞓! haha
五道菜其中餐湯、意粉同甜品係fixed的。我地都叫左2杯house red wine $45/杯, 我唔識品酒, 但呢款易入口, 唔錯!
先黎一份小吃, 送的! 食到好清新既蕃茄。
鴨乾醬多士好香口, 而巴馬火腿就係平時的味道, 上邊加左少少甜醋, 唔錯!
呢個湯好足料, 入口啖啖磨菇蓉而且大小適中, 最上面既一層應該係蛋白泡沫, 令個湯飲落去冇咁膩。
主菜, 牛肉眼, 半熟, 肉質有點乾但都唔差, 最緊要牛味夠濃, 好味! 黑毛豬做得相當之好, 我雖然好中意食牛, 但都覺呢個豬既肉香味並不比我果塊牛肉眼弱, 好味!
呢個意粉其實可以省略, 因為我兩都已經夠晒飽... 不過佢都係誠意之作呀, 硬度適中, 入面既蜆肉好鮮甜!
預約時已經同經理講好是慶祝生日, 所以佢都準備左嚮甜品上面寫上happy bday, 手字唔錯! 左邊果個係啤酒味既啫喱杯, 唔算好甜, 但我麻麻地中意啤酒味。右邊果個係chocolate brownie, 夠濃夠甜, 我都唔中意甜.. haha! 不過呢一餐飯係要有甜品先至完美既!
最後, 不得不讚呢度既店經理非常細心, 服務周到! 當我地食完個扒, 佢都會問我地洗唔洗抖下先上意粉, 佢都feel到我地飽呢.. 說實話, 佢地每道菜既份量都唔小架。每位$350, 無加一, 非常公道既價錢! 紅/ 白酒 $45/杯, 更可自攜酒。好滿足!
張貼
