期待以久，終於黎到呢一日可以食到倫哥啦
可能我地早BOOK位既關係，所以有間房仔坐下，自成一角，仲有電視可以睇，
但間房美中不足係好大陣煙味，唔知係之前D食客留低，定係公司員工休息時間係到食，如果係，希望好好注重返，因為真係好唔舒服
其實除左雞煲同打邊爐之外，佢真係有點淨點私房菜，價錢都唔貴，如果唔鐘意打邊爐，都有第2樣既選擇
1
首先會上左3樣前菜食住先~
有酒味滷過既雞翼尖，酒味唔會好重，淡淡的，但滷得好入味又唔會好淋
麻辣蓮藕: 好麻唔係好辣，蓮藕都幾爽
估唔到前菜水準都唔錯，所以好期待接落黎既食品
每人一隻的鮑魚，醬汁味道幾好，唔會太"un"咬唔開
蒜蓉蒸小象拔蚌，蒸得岩岩好，冇過火，不過真係BB，好細隻
雞煲出場，因為有朋友唔係好食辣，所以叫左BB辣，
我們6個人，每人起碼食到4~5件雞，
佢個煲唔係煮熟拎黎即刻食得，要自己兜幾兜，焗下佢先食得，但員工會幫手煮。
但已經好入味啦D雞件，可能因為細細件，所以比較易入味D~~
同埋都好香，醬汁味濃，不過唔知佢點樣計份量，因為如果少人食，食完個雞煲都飽左大半啦
呢碟係落埋雞煲到食，因為客易吸味，食落都會似街頭小食，不過呢個唔係咖哩，轉左食麻辣
食完雞煲其實可以ENCORE，但因為我地急於想試下海鮮打邊爐，所以好堅定咁轉打邊爐啦
因為龍蝦已經賣哂，所以得返蟹煲
不過朋友有食隻蟹，都話好鮮甜
終於到主角出場，一黎到久違的相機食先出現了，大家都用不同的角度影相
因為自己唔食魚，魚類就冇試，但朋友都話
其他樣樣食材都OKAY，都鮮甜，唔知係咪個湯底都本身鮮甜加分
不過好可惜，唔係樣樣都可以REFILL，有點可惜
平時大家打邊爐都會食，今日竟然食唔哂
因為冇特別吸引之處?但其實都好有牛味既
雲吞+韮菜餃+??餃(因為我冇食到又冇問，所以唔知係咩)
3款都幾好，唔知係自己包定來貨，不過都好新鮮
竟然有龍蝦沙律丸，呢款丸好好食，一食會上癮
反而魚皮比較一般，唔特別脆口同吸引
黑色果款味道好好多
枱紙既顏色都好好，係視覺上都有享受。
其實仲有甜品，但忘記影相，不過細細碗，唔使刻意留肚食
食完今次已經好想快D約下次再食過
