新南苑私房菜火鍋鷄煲 (海德中心) (已結業)

多天來，天氣都是雨濛濛的，今曰雨後天晴了，我邀屋企人岀來散散心，閑逛途中，也是到開飯時間啦！上來呢間餐廳開餐啦！😋新南苑，屋企人以前係觀塘食過，大排擋咁。今時嚟到灣仔，就裝修靚左好多，大油畫同有校長室？哈哈每間好似小校園。苑內的店員們對我們都是熱情似火的招待👍環境有特色舒服，海鮮都有小龍蝦，大龍蝦做刺身既，今日大家食小菜。每星期幾都有一種茶，今日係苦瓜茶，飲落係有少少甘味，但不是苦的，清熱解毒。我地仲飲左椰子水，nice喔。我地由清淡食到濃味，期待大排擋特色。鮮百合雲耳勝炒肉片，本身有包炒肉片，但我地見已經有雞，就要求不要炒肉片，避免浪費了。鮮蟹肉肉崧蒸滑蛋拌飯一流！蛋好滑身，肉崧多，一口是肉呢。深海龍躉兩味398蚊食2味，有紅燒頭腩同油泡龍躉球。紅燒頭腩內有豆腐 火腩同枝竹。紅燒頭腩份量多過後者。油泡龍躉球，有菜心同三色椒。一咬個龍躉皮好似厚花膠，勁好咬口！肉就大舊，32斤係勁既！前道菜，半隻招牌鬼馬雞煲真係非常鬼馬，店員要每兩分鐘嚟煮一煮，煮3次，再落油炸鬼。依個雞煲有別以往食過既，佢係無汁，純係香料，蔥同雞。第一次炒已經係好香好香。三次後食得了，招牌不可失望！洋蔥爽口，雞肉主角！