味‧壽司 (已結業)

早兩日,和朋友行完街,經過太子始創中心附近..這邊食肆很多,偏偏被這間壽司店吸引著,可能係門口放的大狗公仔太突出的緣故吧!門口帶位的妹妹好積極地拉客,亦好有親切感,一入去,客人不多,幾個侍應對著我地叫"口號",隨後一位黑恤衫的靚侍應姐姐拉椅給我們座,仲幫我地放埋傘响傘架,朋友問她有什麼好吃壽司推介,二話不說就推介了多款特色壽司,好似味之花戀和蟹親子,我地叫左幾款壽司,迴轉上款式不多,和朋友選了燒三文魚腩和帶子,先說三文魚腩,入口即溶,值得一試,帶子亦相當鮮味同大粒,我們足足吃了十二碟壽司!