五季禪食 (健康工房) (已結業)

又到天赦日，食素！約咗朋友一齊食素，係太子 seach 一吓素館，搵到哩間五季禪食，未幫襯過，去見識一下.首先餐廳環境超正，有強烈台灣風，雖然外面人來人往買年花，但一踏入餐廳感覺就好禪！menu 上選擇不多，養元.真菌煨麵似係主打，所以點咗一客，另外再點咗一客七福菜素春卷同素煎餃子.連D菜名都好禪好台灣feel.真菌煨麵有濃濃菌味撲鼻，麵身彈牙，以為味道太過清淡嘅湯底卻非常清甜，滿意.春卷同煎餃熱到辣咀，春卷皮香脆，兩款小點都足料，屬水準之作.唯一不滿係... 雖然已經冬天，但都好鬼熱，無開冷氣，食到出哂汗.