北海道活壽司 (已結業)

今日去左呢間四年都冇去過嘅壽司店，食物同態度依舊一樣的差，一行入去得三個客人喺入面，我自己一個佢叫我坐一人枱但因為我覺得對住走廊唔舒服我話坐隔離佢話唔得，成間店禁大晏就十二點半都得三個食客佢都唔俾揀位坐真好笑，跟住佢話做咩呢邊唔坐得姐個用詞同語氣都好唔專業，跟住我坐低左叫野食張紙明明剔左走沙律醬黎到嘅時候有沙律醬我叫佢換，佢就話你都冇講唔要沙律醬我話張紙剔左走沙律醬佢嘅語氣唔似對住客人講嘅禮貌語更加似啲街市買菜亞姐咁冇尾音冇禮貌，最緊要係換完返黎啲野都超難食，呢啲時勢晏就冇生意唔一定關疫情事佢地嘅食物質素同服務質素係冇生意嘅主要原因。