和順記 (路德圍) (已結業)

和順記既炸雞髀好出名🤩今日終於一試。最出名既就係佢地雞髀好似塊面咁大。不過今次黎到，見到佢地門口已經痴住告示，話雞髀貨量短缺，所有雞脾餐減兩蚊，好似好抵咁！不過雖然減左兩蚊，但係雞髀既size細左好多😢好可惜。下次要趁佢啲貨量正常翻既時候再試過。1⃣️神級雞髀皇套餐（黑椒汁）（$63）因為雞髀細左，店員主動比左兩隻髀我地。份量好多😯不過可能因為炸髀細隻左，炸得好乾好硬😔好失望。聽朋友講上次食既時候隻髀仲係好大隻既時候係好食好多。黑椒汁幾惹味，配埋一直太陽蛋，蛋汁撈飯食唔錯。  2⃣️瑞汁鹵雞髀皇套餐（$63）（+$7轉番茄湯讚岐烏冬） 呢隻髀仲係大隻既，不過聽朋友講都係唔夠之前食既時候咁大隻。但係瑞士汁既雞髀食落滑好多，推介呢款多過炸雞髀。另外蕃茄烏冬蕃茄湯底幾香甜，烏冬彈牙，配上太陽蛋好食😋  3⃣️和順記大魚蛋（$15）有兩粒大魚蛋。食落幾彈牙。  4⃣️紅豆冰（免費）餐廳嗌野食就會送紅豆冰。不過飲落偏甜。