板神鉄板燒日本料理 (信和廣場)

神級鐵板燒🍽️板神鉄板燒日本料理神級鐵板燒🍽️


好耐冇試過咁有儀式感嘅鐵板燒啦！ 板神鉄板燒真係冇得輸，無論慶祝生日🎂定係同班friend gathering都超啱 。今次我哋試咗個極上海鮮盛宴🦞，對住個靚海景食，真係超有氣氛。

首先嚟個火焰蟹肉魚子醬，嘩！一上枱已經好驚艷，視覺效果滿分💯，用火燒。之後嘅刺身五點，超新鮮滑！澳洲鮑魚用三食嘅方式去品嚐佢嘅鮮味同埋唔同嘅口感你仲見到佢嘅郁。我都係鍾意食厚切嘅口味。

龍蝦拌天使麵，龍蝦肉又鮮甜，配埋天使麵撈埋一齊食，簡直係perfect match！ 仲有季節魚同季節煮物，每一樣都好有水準，食得出師傅嘅功力。

重頭戲嚟啦！美國牛肉肉薄燒及厚燒，油脂分佈平均，入口即化，牛味超濃郁！ 最正嘅係，呢度有個特色體驗，可以自己燒牛肉，自己燒嘅特別香，特別好味，真係過足手癮！

食到尾聲，仲有個完美嘅甜品 – 招牌焦糖多士，外脆內軟，甜而不膩，為呢一餐劃上完美句號。

有得食有得玩嘅話，好想再回味下呢個感覺！