生隆餅家 (已搬遷) 新店位置

好想講生隆餅店真係神級！之前中秋節買過月餅，顛覆咗我對傳統月餅嘅印象，第一次覺得傳統月餅可以咁好食。角仔首先，必須重申返幸運嘅我，買左最後一包角仔，買完之後下個姨姨問已無貨。個角仔意外地超級鬆化，內饀係澎湃嘅花生碎，花生碎粒粒分明好新鮮，一粒接一粒根本停唔到口，我一次過隊左半包。豆沙角我已經唔係即食，返屋企放咗雪櫃隔咗幾日再放入焗爐。焗嘅時候全部出晒油以為會唔好食，但焗到尾又變返脆身，吃貨本身對賀年食品興趣不大，其實係第一次食豆沙角，一放入真係不得了，睇個樣真係估唔到咁好食，個皮外脆內Q，加埋香軟豆沙，好正笑口棗生隆嘅笑口棗非常高質素，個袋一滴油都冇，完全唔油膩之餘非常之脆，又係會好似食薯片咁不斷食停唔到口。