影片
更多
2023-07-06
94 瀏覽
位於葵昌中心地下呢間泰國餐廳, 外面睇落好神秘, 入去見到好簡約得嚟又好似田園嘅裝修, 中間有個招牌個名叫 Soi 55, 老闆解釋讀「蘇哈哈」係泰文嚟的。餐廰經營模式似Starbucks, 以外賣為主, 但餐廰內都坐位, 方面客人立即進食, 裝修亦都都有植物, 枱, 椅大大張, 但一啲焗促感覺都冇。叫咗兩個下午茶食, 坐係度等時同老闆傾下計, 原來佢住咗泰國超過30年, 係泰國都係開餐廰, 老闆亦都好好客, 傾下計, 知道我就去泰國仲介绍的去泰國當地人會去嘅cafe , 食物同按摩, 分享正宗泰國人飲食文化, 而佢做嘅都唔係港式泰國野。難忘嘅係老闆分享原來新加坡海南雞飯同泰國海南雞飯分別, 泰國海南雞飯係食肉用白皮雞, 黑豉油會有類似藥材嘅苦味, 所以一啲都唔咸。老闆推介名菜, 香葉豬頸肉飯, 醉貓炒粿條, 青咖哩及芒果糯米飯（即做）, 保証正宗泰國人正宗地道口味。招牌泰式水門雞飯(配油飯) - $55+$5轉雞睥 老闆講完真係留意下啲雞, 雞皮係白皮, 雞肉嫩滑, 煮雞啲時候火侯啱啱好, 而且大大份, 配埋泰式辣汁及黑豉油食, 真係好正宗嘅泰國味道。招牌泰式豬睥飯 - $55泰式豬
叫咗兩個下午茶食, 坐係度等時同老闆傾下計, 原來佢住咗泰國超過30年, 係泰國都係開餐廰, 老闆亦都好好客, 傾下計, 知道我就去泰國仲介绍的去泰國當地人會去嘅cafe , 食物同按摩, 分享正宗泰國人飲食文化, 而佢做嘅都唔係港式泰國野。
難忘嘅係老闆分享原來新加坡海南雞飯同泰國海南雞飯分別, 泰國海南雞飯係食肉用白皮雞, 黑豉油會有類似藥材嘅苦味, 所以一啲都唔咸。
老闆推介名菜, 香葉豬頸肉飯, 醉貓炒粿條, 青咖哩及芒果糯米飯（即做）, 保証正宗泰國人正宗地道口味。
招牌泰式水門雞飯(配油飯) - $55+$5轉雞睥
老闆講完真係留意下啲雞, 雞皮係白皮, 雞肉嫩滑, 煮雞啲時候火侯啱啱好, 而且大大份, 配埋泰式辣汁及黑豉油食, 真係好正宗嘅泰國味道。
招牌泰式豬睥飯 - $55
泰式豬睥燘到超入味又嫩滑, 啲皮啲膠質好多, 可以黏住個口, 仲有蔬菜, 酸菜及半隻滷水蛋, 呢個餐都幾豐富。
套餐小食加配, 炸單骨雞翼 4件 - $16
炸到香噴噴, 又香脆, 又入味, 單骨好容易食, 唔錯。
套餐包埋泰式甜品同泰式沙律, 真係大滿足!
炸蝦餅2 件 - $24
炸蝦餅都幾彈牙, 又炸得香脆, 食泰國野必食之一嘅小食。
另叫小食, 炸鮮蝦雲吞 - $48
薄薄嘅雲吞皮包住蝦肉, 有啲似錦滷雲吞呀!
飲品, 下午茶包埋飲品, 我地叫咗洛神花茶及罐裝泰國玉泉青檸梳打 (加$2)
張貼
