小神燈新派飯館 (已結業)

👍🏻 奇趣脆皮豬手豬手好巨型 起咗骨好貼心🥰豬皮位置炸得非堂香脆 而入面肉質嫩滑 脂肪位置更增添油香☺️有附芥末/沙律醬 任均選擇👍🏻 糯米炒膏蟹為咗佢而嚟 上枱熱辣辣 香噴噴🔥膏蟹勁多膏 蟹肉鮮甜 肉質會較為結實🦀另外糯米飯吸收晒膏蟹嘅鮮味 煙煙韌韌 一啖接一啖 停唔到口👍🏻 腿茸菜膽雞（半隻）🐓雞肉好嫩滑而且肥𡙡 半隻份量都好多！上面嘅腿茸為雞肉滲入咸香 醬汁好香好惹味 👍🏻 招牌焗魚腸利用缽仔上菜特別有風味😆魚腸零腥味 清理得好乾淨 蛋味香濃 魚腸爽脆搭配蒸蛋嫩滑 一脆一滑 最佳配搭☺️注意事項⚠️- 餐廳會收取餐前小食、茶芥及加一服務費- 裝修以香港獨有嘅大排檔作靈感 搭配綠鐵皮攤檔、街市吊燈♥️舊香港情懷出晒嚟！