泰禾美 (已搬遷) 新店位置

家姐介紹黎食，非常抵食既一間餐廳!黎左呢間餐廳食左幾次，都覺得食物質素高。黎親呢度都必食既炸蝦餅，蝦餅炸得脆而且非常彈牙，蝦味亦充足辣椒糕炒聖子，用辣椒糕、香葉、洋蔥等香料爆聖子，香!份量都唔算少白灼獅蚶，老闆娘問你幾成熟，五成好了，一隻過一隻，過足隱!肉碎生菜包，炒得香而且好辣!包埋生菜食，fresh!蝦醬炒飯，蝦醬份岩岩好，而且好多材料，有蕃茄、蛋、蝦等木瓜絲沙津，唔係我地杯茶，好辣，但係唔鐘意咖哩亦較普通，不過蒜蓉包就好好味!又脆又夠蒜蓉味不過環境麻麻，鋪位好細，出入有時都有d碰撞，但勝在好食，每次黎都會啤一啤!野又抵食，次次都食飽到攬住個肚走。