影片
更多
2016-09-21
295 瀏覽
依家講到食拉麵其實到到都有得食甘制，茶餐廳，酒樓，甚至小食店都有得食，味道當然各有不同。點樣先可以食到又好味又正宗的拉麵，我首選日式拉麵，因為點諗都好拉麵係出自日本的，無論點整都好食d。點樣先可以揾到一間好味嘅日式拉麵，首先係一定要成間都係以拉麵為主嘅，第二就當然係有名堂，第三係有口碑。呢間神豚合乎哂我三個要求，仲要喺日本，韓國等地有超過10幾間分店，香港係第一間，當然要冒名一試。店內設計同日本的拉麵屋相若，木製枱櫈，簡單得嚟感覺又舒適整潔。拉麵有四款，有豬骨味，有辣味或者鹽味，鍾意食比較濃味嘅朋友就揀咗豬骨濃湯。佢除咗個湯底可以俾你揀之外仲可以揀唔同質地的麵，有波紋麵同細麵。呢碗濃厚豬骨拉麵就配左細麵。呢個豬骨濃湯框底飲落去個味道非常之濃，望落去個湯煮到奶白色好靚，食完之後個口仲會有d黏黏地嘅感覺，就應該係啲豬骨嘅骨膠原，痴住左，勁度養顏。呢隻細面食落去嘅口感就比較淋，軟身d，但係就比較容易吸收左湯嘅味道食落去嗰陣味會好味啲。之後我就揀咗辛辣味噌拉麵再配埋另外一種面，就係佢嗰隻波紋麵。呢隻拉麵個味道比豬骨湯仲惹味，可能因為味噌本身個味道係濃所影響。麵上面會有一個用肉碎混合辣椒堆砌成的
點樣先可以揾到一間好味嘅日式拉麵，首先係一定要成間都係以拉麵為主嘅，第二就當然係有名堂，第三係有口碑。
呢間神豚合乎哂我三個要求，仲要喺日本，韓國等地有超過10幾間分店，香港係第一間，當然要冒名一試。
店內設計同日本的拉麵屋相若，木製枱櫈，簡單得嚟感覺又舒適整潔。拉麵有四款，有豬骨味，有辣味或者鹽味，鍾意食比較濃味嘅朋友就揀咗豬骨濃湯。佢除咗個湯底可以俾你揀之外仲可以揀唔同質地的麵，有波紋麵同細麵。呢碗濃厚豬骨拉麵就配左細麵。
呢個豬骨濃湯框底飲落去個味道非常之濃，望落去個湯煮到奶白色好靚，食完之後個口仲會有d黏黏地嘅感覺，就應該係啲豬骨嘅骨膠原，痴住左，勁度養顏。
呢隻細面食落去嘅口感就比較淋，軟身d，但係就比較容易吸收左湯嘅味道食落去嗰陣味會好味啲。之後我就揀咗辛辣味噌拉麵再配埋另外一種面，就係佢嗰隻波紋麵。呢隻拉麵個味道比豬骨湯仲惹味，可能因為味噌本身個味道係濃所影響。
麵上面會有一個用肉碎混合辣椒堆砌成的肉球，就咁食落去有少少似台式嘅炸醬，但係呢種就比較有質感咬落去佢會係一粒粒嘅豬肉，將它混合落麵到一齊食嗰陣時，嗰種辣味會慢慢係個湯度滲出嚟，愈食愈辣。
誠意推介就係佢個，波紋面，估唔到呢個波紋面食落去好彈牙，好有口感，比起出面嗰啲拉麵完全唔同，呢個有少少好似日本嘅拉麵混合左韓國嘅公仔麵嘅口感，甚至更加優勝，好值得一試。
小食叫左個餃子，呢度餃子個皮唔算厚，厚度剛好，而且餡料都幾足，食落去有少少似菜肉雲吞嘅味道，但係入邊就多咗少少姜味，吊出肉的香，再配合返個餃子汁，酸酸地，食落好配合。
一啲小心思想同大家分享下，雖然有啲人就好鍾意飲汽水，食嘢嘅時候冇汽水不歡，好似我一樣，但係食緊拉麵嘅時候呢我就覺得唔應該加汽水，因為汽水會令到你品嚐湯嗰個味道唔同左，所以就建議大家飲住杯冰水解下渴先，到食晒個拉麵先慢慢再嘆番杯汽水都未遲！張貼
