御前大江戶日式料理 (已結業)

今晚轉戰觀塘，因為朋友介紹磯燒海鮮放題。本來放題對我來說沒有太大吸引力，因為每次吃完都會內疚，點解要食咁飽呢？燒海鮮放題我未試過，仲有燒飽魚，就試一試。未到9:00，很多人排隊，坐位不算太大，加上每檯一燒爐，要小心不要燒著自己頭髮。主角到，不禁嘩一聲，龍蝦size 都不少，還有鮑魚，蝦🦐生猛，腿還在動，元貝，生蠔，已經按捺不住馬上開爐！飽魚很鮮，燒的時候還在蠕動，入口不會太韌，肉質鮮甜，好味，可惜一人得一隻，再點要加錢。龍蝦大隻彈牙，差不多燒好，店員會再用火槍燒一燒，確保已經煮熟。帶子、新蠔都非常新鮮，唔會有怪味。兩個人食完一盤海鮮，其實已經飽了大半，我再點了一些刺身，同埋清酒煮蜆。清酒煮蜆好讚，清甜酒香，蜆無沙，亦唔係細細隻的。刺身大約有10款，回本要吃多一點赤貝，又爽又甜。飲品選擇很多，5個大雪櫃，我就揀解茶，無咁肥嘛 甜品有蛋糕或雪糕，任食無限制的，我就寧願食水果幫忙消化一下。