影片
更多
2017-07-10
485 瀏覽
放題就聽得多喇, 但有次聽到同事講開咩磯燒海鮮放題, 好似幾特別..... 於是, 追問清楚, 原來係觀塘有間咁嘅放題, 除左刺身, 仲有得自己燒海鮮, 咁梗係要去試一試啦~~去到見到現場都幾多人, 不過我ot完去, 都已經8點尾, 所以只係等左幾分鐘就入得.個場幾舒服, 亦都有啲風格, 所以一坐低已有啲好感, 不過唯一就係枱與枱之間係迫夾左少少, 但喺香港, 都明白呢一點係有啲在所難免嘅. 坐低之後, 就見到枱面用嚟燒海鮮嘅磯, 而出面就有少少頭盤同熟食, 又有啲蔬菜類嘅食物, 仲有飲品同甜品, 選擇都幾多下. 然後我地會有部ipad, 可以喺上面order食物, 都幾方便, 唔使怕侍應見我地唔到. 食物嘅選擇真係非常之多, 一般嘅刺身嗰啲固然有, 另外仲有啲海鮮嘅選擇. 正當我地喺度諗嘅時候, 侍應就送黎一個海鮮籃!! 原來每枱一坐低, 佢地都會送上一個籃, 呢啲籃分兩種, 一種有鮑魚, 一種就有大蝦同另外幾樣嘢, 得到邊種就睇你好唔好彩喇. 我呢次就係有鮑魚嗰款, 對我黎講算好彩喇, 因為我唔特別鍾意食蝦.同埋幾好嘅一點係, 如果侍應見你好似唔太識燒, 佢地會埋黎幫你, 教你應該
去到見到現場都幾多人, 不過我ot完去, 都已經8點尾, 所以只係等左幾分鐘就入得.
個場幾舒服, 亦都有啲風格, 所以一坐低已有啲好感, 不過唯一就係枱與枱之間係迫夾左少少, 但喺香港, 都明白呢一點係有啲在所難免嘅.
坐低之後, 就見到枱面用嚟燒海鮮嘅磯, 而出面就有少少頭盤同熟食, 又有啲蔬菜類嘅食物, 仲有飲品同甜品, 選擇都幾多下. 然後我地會有部ipad, 可以喺上面order食物, 都幾方便, 唔使怕侍應見我地唔到. 食物嘅選擇真係非常之多, 一般嘅刺身嗰啲固然有, 另外仲有啲海鮮嘅選擇. 正當我地喺度諗嘅時候, 侍應就送黎一個海鮮籃!! 原來每枱一坐低, 佢地都會送上一個籃, 呢啲籃分兩種, 一種有鮑魚, 一種就有大蝦同另外幾樣嘢, 得到邊種就睇你好唔好彩喇. 我呢次就係有鮑魚嗰款, 對我黎講算好彩喇, 因為我唔特別鍾意食蝦.
同埋幾好嘅一點係, 如果侍應見你好似唔太識燒, 佢地會埋黎幫你, 教你應該邊樣先邊樣後, 或者燒幾耐左右, 或者點睇佢為之ok食得等等. 咁經過專人指導之後, 我地就由帶子開始喇. 嗱, 燒出黎係咪似模似樣先?
然後我地逐漸燒晒個籃嘅食物, 同埋一點我地自己點嘅食物, 個感覺幾好, 只需要定時定候望下, 基本上都唔會燒燶食物嘅. 當然不得不提個鮑魚係真係幾好食, 而基本上啲海鮮都算唔錯. 雖然唔係樣樣都可以任意免費refill, 但都一樣滿足, 而即使再點就要再俾錢嗰啲, 都算係值回票價.
話到明放題, 咁一般放題食物佢都係有嘅. 而且水準亦唔差, 同其他專做放題嘅相比都唔失禮. 壽司或其他日式食物都有, 我自己就最鍾意西京燒鱈魚, 好食.
臨尾仲食左個有蠔嘅湯飯, 好正, 煮熟左啲湯之後配飯食, 有蠔味, 配料嘅味道又夾, 呢個都係幾值得一試嘅食物.
overall黎講, 新奇有趣, 而且味道亦好, 價錢亦算合理, 係一個可以encore嘅地方~~
張貼
