白鬍子炸魚薯條 (已結業)

今日收工經過中環碼頭，又未食飯，咁岩脫到呢間之前其實都一直好想試嘅炸魚店，好啦買番家試下。 呢一個蒜香炸蝦藍佢嘅炸蝦聞落去充滿着超級香嘅蒜蓉味食落去佢嘅蝦肉係非常之新鮮，而且蒜蓉味同埋牛油味連埋蝦一齊食係好夾而且佢蒜味令到嘅鮮味更加突出同埋有少少咸真係好好食好難忘。呢一個黑松露蜜糖薯條佢嘅黑松露味唔算太突出，但係佢甜甜地同埋佢嘅薯條中間薯嘅部份好creamy好滑都幾好食。呢間店主要佢嘅招牌係炸魚，咁梗係要試一試佢嘅招牌炸魚啦，佢嘅魚柳都幾新鮮，完全同平時喺超級市場買嗰種魚柳或者快餐店嘅魚柳唔同，比較滑身同埋真係有一種魚嘅鮮味而且亦都唔會話太過油配埋佢嘅他他醬一齊食好正。炸蠔都幾新鮮不過就唔算好平，但係佢勝在真係幾大粒必須要講佢嘅醬好好味，佢嘅紅色嗰個係泰式辣醬，配炸蝦非常夾，而佢黃色嘅係蜜糖芥茉漿同薯條一齊食好好味而且唔係同某一啲快餐店一樣味，有自己特色，幾推介。