碼頭故事 (已結業)

好耐冇食火鍋啦，秋天一到，即刻好想打邊爐，上網搵左呢間，睇落唔錯，咁我哋就一齊約嚟試吓啦。地方寬敞，乾淨整潔，我地幾滿意，而且今晚人唔多，環境安靜舒適。 呢個大骨百味湯鍋$136真心正呀！非常濃郁的豬骨味，亦好飲，有唔少湯料都食得！安格斯肥牛$182 油脂分布好平均，口感爽滑，而且仲有陣陣香濃牛味，食落有油香，非常突出，仲好juicy添！新鮮雞件$78 好有雞味，雞肉好嫩滑，肉味香濃，份量又多，非常之飽肚！竹篙墨魚滑$98墨魚好足料，肉質厚實，有大大粒嘅墨魚夾係中間，食落好有咬口，好食！另外蔬菜款式多，分別叫左白蘿蔔$35 金針菇$37 同埋唐山菜$32，而且以新鮮見稱，金針菇份量多～紅糖冰粉$23　透明既冰粉當甜品，賣相十分精緻，加埋Ｄ紅糖同埋花生堅果一齊食，滑嘟嘟凍食都幾清涼解熱氣架。打邊爐點少得飲可樂！叫左零係可樂$18同埋金橘檸檬$38，邊食邊飲真的好滿足啊！