甜入心 (已結業)

最近天氣轉凍, 除左著多D衫外, 食野亦係保暖方法之一。和同事去深水埗睇完貨辦, 時間都差不多5點。同事想搵地方坐下食野。附近雖然茶餐廳很多, 我地又唔想食得太過量。最後揀左 。 係糖水店, 有糖水, 小食, 飲品。餐廳位於深水埗, 由港鐵站行去大約9分鐘。之前食過一次所以地點唔難搵。小店除左有糖水食, 最特別係免費果茶飲, 好貼心。小店好光猛, 牆壁上貼了不同員工相片, 好親切。亦有小小佈置比你影相用。我地唔係好肚餓, 只係ORDER左以下新產品 :芝士焦糖布甸燒 $32碗仔翅 + 長洲大魚蛋 (套餐價)$28芝士焦糖布甸燒焦糖味重, 布甸夠蛋味。底層有蛋糕, 蛋糕很軟綿綿。整個不錯。碗仔翅 + 長洲大魚蛋 長洲大魚蛋同長洲大魚蛋一樣SIZE, 魚蛋夠彈有味。加上咖喱汁，唔會好辣。碗仔翅而家唔多地方有香港式的碗仔翅, 呢碗碗仔翅材料及份量真係好多, 包括 : 黑木耳絲, 粉絲, 冬菇絲, 腐皮絲。味道咸淡適宜, 食晒都好飽肚。甜品店夠清淨又清潔, 與同事邊食邊傾都唔會催促你, 而且仲可以飲下果茶。甜入心真係一間唔錯的甜品店, 難怪係淘大分店晚晚都咁多人。