朋友話食得車仔麵就食平民街坊野, 如果你都係咁唸就錯啦....
第一時間睇到佢餐牌有個二人餐, 118二人餐有足料花膠碗仔翅?! 立即叫啦.
見到實物真係好足料,
食左一淡之後, 個口好似有層膠漿住個口, 花膠都好入味, 仲又長又大條, 成條花膠長過我隻手阿!!!!
仲要唔係酒樓果種無味花膠上菜先掉果花膠果種, 睇黎個碗仔翅都好比心機整, 淡淡都有瘦肉線, 呢個碗仔翅真係唔止無投訴, 仲要大大碗,
兩個人都夠食阿, 唔似某出名糖水鋪30蚊得果丁咁細碗!
車仔麵既餸都有成三十款選擇, 除左二人餐,仲叫左一個柚子蜜雞翼好快都上齊曬,
二人餐其中一樣叫阿里山茄子,
係凍食既有少少酸酸地甜甜地, 入口好鬆軟, 同平日食既茄子好唔同好有新意, 香茅豬扒都厚身有咬口好重香茅, 係你一咬入口就爆到成日香茅味果種,
仲要大大份份量十足. 佢個柚子蜜雞翼真係好正, 雞翼皮炸到鬆脆裡面肉汁滿, 咬入口同柚子蜜好夾, 成碟我一野食晒!
車仔麵一個就有雞翼尖, 冬菇, 菜心同梅子豬手, 另一個就梅子豬手,咖喱魷魚, 菜心同麻辣肚絲, 雞翼尖同冬菇好入味,
梅子豬手唔肥好重梅子味酸酸地, 你唸下平日濃口味既豬手入口食完痕梅子味做釣味真係好夾一定要食, 麻辣肚絲條條好粗好彈牙,
沙嗲湯底好濃好香口我特別推薦!
