November (京瑞廣場) (已結業)

喺石門商場行行吓，係角落發現新開的茶飲店，講茶飲店，石門實在有太多，一於試試新店先。冇人排隊，冇人等，事實上呢個位置都少人經過。餐牌都有好多選擇，熱飲、凍飲、奶蓋、奶綠、奶茶、果茶、梳打、咖啡，仲有for kids嘅幾款。搗蛋雜莓茶即叫即整，等咗一陣，都幾大杯，仲好似好足料有好多雜莓蓉咁。一飲果然好濃味，呢杯雜莓茶偏酸，適合愛酸之人，開胃，唔算太甜，好濃雜莓味。見到仲有新茶飲店開張真好，又有新嘢試。