麗島小廚 (已結業)

今晚想食雞煲於是再次幫襯呢一間，有一排無食不過水準都Keep到。今晚唔食麻辣食了花膠雞煲。湯一滾起先飲頭啖湯真係好清甜好潤，天氣凍凍地真係啱晒。$198有半隻雞，花膠唔算多不過都OK嘅。飲完湯食完雞就開始打邊爐，叫了韭菜餃、鴨血、巨型炸魚皮，仲有個什菌籃，之後再叫咗一份菜，樣樣食物都幾新鮮。韭菜餃好好食，D韭菜好新鮮。鴨血都唔錯，如果麻辣雞煲應該仲正。巨型炸魚皮都係好巨型，佢好薄嘅，我鍾意直接就咁食多D，我個Friend就話浸一浸落湯度先食正D。什菌籃乜都有D都幾好啦。佢D菜都好新鮮。