小草十八怪石鍋米線 (已結業)

天氣凍係時候要食熱辣辣既野！所以今次同朋友揀左呢間小草十八怪石鍋米線～朋友揀左黑椒味噌封門牛柳石鍋飯，牛肉份量都唔少，而且仲有洋蔥等既配料，加上芯味既黑椒汁，確係有幾分連鎖餐廳鐵板牛肉飯既味道～除此之外，我地仲嗌左明爐烤海鱸魚套餐。套餐有七款湯底可以選擇，我地就揀左酸辣魚口味。海鱸魚非常大條，食落肉質結實唔鬆散，加埋其他配料，好似藕片、豆卜、粟米、薯粉等非常飽肚。如果大食既朋友仲可以用9蚊加多款火鍋配料架！另外我哋仲見到呢間餐廳18:00後就有串燒供應，我地就叫左幾款試下。最推介既係燒茄子，原條茄子加上蒜蓉同辣粉，好香口。而燒帶子就非常抵食，$20一份有兩隻～小食方面，我地叫左椒麻蝦膠腐皮脆卷。脆卜卜既外皮包住鮮味彈牙既蝦膠，食落好有層次，再加上特製既醬汁，令人停唔到口！不得不提既係佢哋既野飲都好大杯，同朋友見到個時都忍唔住嘩左出黎，絕對夠兩個人飲！