店內品項選擇相當之多，但望真啲你會發現所有嘢都差唔多，不過整體配料種類都唔少。我就揀左個細既幻彩黑珍珠玻璃粉（好好奇玻璃粉係咩），友人就嗌左個大既芒果涼粉。幻彩黑珍珠玻璃粉既雪糕既種類選擇都唔少，我就揀左綠茶。
糖水一送到黎果陣我震驚了😂細碗一啲都唔細，大碗就真係好大碗！芒果涼粉啲芒果幾香甜，糖水底應該有落啲花奶，整體較甜但幾啱我口味。芒果涼粉仲有啲椰纖果，口感同口味都相當豐富。幻彩黑珍珠玻璃粉啲玻璃粉就係一啲類似寒天既物體，而整體真係幾足料，有幾個水果球同一大球雪糕。
幻彩黑珍珠玻璃粉（前），芒果涼粉（後）
最最最吸引人既係大丁小甜既超高性價比！咁大碗都係二十幾三十幾蚊，雖然品項較少但真係好抵！
