磊犇 (已結業)

今日黎到旺角又試熱石燒牛啦，呢度岩哂牛魔王，見到大大塊既牛扒好興奮啊呢度都係採用自助既形式，係售票機度揀左自己想要既牛扒同份量，再比錢店員，之後店員會比部機你同自行揀位，當機震動就可以去取餐處攞餐啦今次我地就揀左300g既磊牛扒同埋300g既牛肩肉啦，而餐廳仲提供沙律、飯、味蹭湯同飲品任食，絕對唔會唔夠飽啦，值得一提既係飲品既選擇好貼心，有山楂洛神花茶、菊花茶、綠茶，全部都係消滯解膩,非常適合食完牛扒之後飲返杯兩份牛既厚度十足，但切落好易切，廚師會大約將扒煮到一成熟，再交比我地自己係熱石上面燒，可以根據自己鐘意既生熟程度黎燒，除左食之外仲可以頑下燒下，絕對唔會悶300g既磊牛扒食落肉質比較結實，有少少筋但吾係韌而肉味濃，脂肪比例較少，餐廳提供照燒汁、黑椒汁、胡麻醬同玫瑰鹽既醬料任均選擇，個人好鐘意配搭黑椒汁，十分惹味，建議磊牛扒燒到7-8成熟比較好300g既牛肩扒肉質比較軟稔有嚼口，肉汁比較多而肉味亦都好濃，脂肪比例較磊牛扒多，有油香但吾會覺得膩，更加想食多幾碗飯今次既石燒牛絕對唔失望，有得頑又有得食，一邊食一邊燒唔會驚凍哂唔好食，配搭埋飯、沙律同湯，係抵食又飽肚之選，推介比各位牛魔王