大和牛石燒專門店 (已結業)

之前係網上見到石燒牛肉好似幾吸引，就同朋友搵左呢間大和牛食晚餐。餐牌提供唔同部位嘅肉類，除左牛肉都有豚肉同雞肉。最後揀左三款。落完單，等左一陣，食物已經一次過到，好快。日本A5和牛肉眼蓋($278, 200g)，牛肉油脂非常豐富，燒到啲油粒彈彈下，完全唔會痴住石板上。澳洲黑安格斯西冷($128, 200g)，由於西冷本身有一定厚度，職員會將西冷連石燒板一齊上。西冷油脂雖然唔夠日本A5和牛肉眼蓋多，但啲油粒都會彈得好遠，所以餐廳會先用張紙蓋住，都幾細心。西次肉質結實唔會鞋口，啖啖肉好正。自家製和豚豬柳阿波尾雞蛋堡($65)，豬柳蛋堡配左三重芝士好過癮，另外加左套餐配薯條同啤酒，爽。