呢度地方唔大，不過裝修好日式風格。自己買完野之後坐低，姐姐就會送餐俾你。
外面有免費任添嘅自助bar可以飲湯+生菜沙律，見好多人排隊飲糖，一於試下佢個羅宋湯！湯入面好足料，仲有好多牛腩同蘿蔔，同埋個湯好濃郁，唔係味精湯，我朋友飲咗兩大碗。
大概等咗10分鐘，牛扒終於到啦～
朋友叫左牛柳$115/180g，睇落去唔係好大嚿，但係非常厚身，石燒牛扒最好嘅就係可以控制鍾意食幾成熟，想要medium又得需要medium well又得想要well done都可以。牛扒食落去唔似有加工咗好多醃料，加少少海鹽同埋胡椒就已經好夠味，肉質鮮嫩。
我嘅係牛肩排$85/180g，呢個價錢性價比真係好高，而且睇落去都非常之大舊，呢款扁身啲大塊啲，應該燒一陣可以更加快就食得，牛肩嘅肉比較彈牙，牛味比牛柳重好多，兩款牛肉都各有唔同嘅特性，燒到非常之熟都好好味。
燒晒啲牛之後我哋再去拎咗好多生菜沙律消膩。今餐平平地都幾滿足😎
