大和牛石燒專門店 (已結業)

大家想食牛扒又唔想太貴可以試吓石燒牛扒餐廳，今日我同朋友趁午飯時間去左牛頭角嘅大和牛石燒專門店。牛所有部份應有盡有，牛主要來自美國、澳洲同日本。另外客人可以選唔同分量，彈性幾高。半自助餐既好處係可以白飯、湯同沙律任裝。飯煮得粒粒分明，彈牙煙韌。- 日本A5和牛肉眼蓋油脂花紋分布幾均勻，不過色澤上唔太粉紅。放上石燒鐵板上然後兩面燒大約10 秒便可。肉質鬆軟多汁，加少少玫瑰岩鹽調味就好足夠。三片已經足以令我食一大碗飯，最後我食左兩大碗飯先肯收手😬- 澳洲M6和牛小排🥩M6和牛牛小排足足有200g。牛排好厚，肉味非常濃郁，肉質結實，油脂都算豐富，食完咁大塊牛扒特別滿足☺️不枉我由九龍灣行去牛頭角，今餐特別飽肚，大滿足啊！😝