TBC

營業中

休息中

小店位於山道附近，係人來人往既石塘咀街市轉個轉彎，就入左另一個世界，漫活而寧靜。因為係掘頭路，得幾間小店，好有文青feel，隔離有間花店，可以帶埋小狗坐outdoor食d野，chill下～而店內環境好舒服，簡約既裝修。我地坐係二人枱，埋邊有田園風既吊椅，而店既中間重有一個中空而夢幻既牆身間開左右，分開兩邊但又唔會侷促。娘惹喇沙虎蝦扁意粉超惹味，少少辣再加埋香茅既香，配埋虎蝦一齊煮個汁絕對係精華。而扁意粉煮得啱啱好，有口感又唔會過硬，虎蝦就新鮮肉質爽口。黑松露忌廉汁什菌蝴蝶粉呢個汁唔會好濃好膩，淡淡既菌香，無左一般黑松露既霸道味道，大廚煮意粉都掌握得好好，係我喜歡既口感，唔會好腍。芒果麻糬窩夫配椰子意大利雪糕呢個甜品超驚喜，原本以為係麻糬喺個窩夫入邊，但原來係窩夫以麻糬焗出黎，入面重有d花生餡，但又唔係好甜，再加上椰子雪糕、芒果肉，好有東南亞風味。75%朱古力咖啡賣相靚靚，打卡必備📸又有香濃既朱古力，75%又唔會好甜。Cappuccino 揀左果香既咖啡豆，雖然飲奶啡，但都飲到果香味，改配燕麥奶，健康好飲。