影片
更多
2018-11-05
110 瀏覽
呢排做野真係好辛苦，好想放自己一個大假去下日本，係未有時間同機會去日本既時候，食返餐好既日本菜慰勞下自己，都係唔錯既！選擇左去銅鑼灣嘅鐵人旨花 ， 訂位食omakase。呢到廚師發板嘅食材大部份都來自日本直送，見師父好專業咁處理食材，令人非常有信心，可以大飽口福。頭盤有水母刺身﹑果凍，以及海膽和牛卷。水母刺身食起黎有柚子香，再加上醬油，清新開胃。和牛卷燒得好香口，加上鮮甜既海膽，味道估唔到咁夾。而龍蝦刺身亦都非常新鮮，師傅將一隻活龍蝦即場處理，係龍蝦仲郁緊既時候就將佢切做刺身，龍蝦既肉質好爽好彈牙 ，味道好甜，唔錯。至於刺身方面就有鯛魚、金目鯛﹑中拖羅及帶子，擺盤好有藝術感，好似食緊懷石料理，當中既鯛魚卷夾住左海膽同海苔，魚肉加上海膽同海苔既甜味，食起來好鮮味。而帶子擺左係檸檬上面，帶有少少檸檬香味，入口好清新好鮮甜。跟住仲有鹽燒法國銀鱈魚，鹽唔會太多，食到魚嘅鮮味，加上好多汁，食起嚟好嫩滑。燒吞拿魚鮫就相對較多油份，而入口就有筋，鐘意食到筋既朋友就比較岩。壽司都有唔少既選擇，有比較少見既白蝦、池魚、深海池魚﹑秋刀魚等等。作為當造既秋刀魚，絕對不得不試，入口好有油份，而且好清爽好有魚香
選擇左去銅鑼灣嘅鐵人旨花 ， 訂位食omakase。呢到廚師發板嘅食材大部份都來自日本直送，見師父好專業咁處理食材，令人非常有信心，可以大飽口福。
頭盤有水母刺身﹑果凍，以及海膽和牛卷。水母刺身食起黎有柚子香，再加上醬油，清新開胃。和牛卷燒得好香口，加上鮮甜既海膽，味道估唔到咁夾。
而龍蝦刺身亦都非常新鮮，師傅將一隻活龍蝦即場處理，係龍蝦仲郁緊既時候就將佢切做刺身，龍蝦既肉質好爽好彈牙 ，味道好甜，唔錯。
至於刺身方面就有鯛魚、金目鯛﹑中拖羅及帶子，擺盤好有藝術感，好似食緊懷石料理，當中既鯛魚卷夾住左海膽同海苔，魚肉加上海膽同海苔既甜味，食起來好鮮味。而帶子擺左係檸檬上面，帶有少少檸檬香味，入口好清新好鮮甜。
跟住仲有鹽燒法國銀鱈魚，鹽唔會太多，食到魚嘅鮮味，加上好多汁，食起嚟好嫩滑。
燒吞拿魚鮫就相對較多油份，而入口就有筋，鐘意食到筋既朋友就比較岩。
壽司都有唔少既選擇，有比較少見既白蝦、池魚、深海池魚﹑秋刀魚等等。
作為當造既秋刀魚，絕對不得不試，入口好有油份，而且好清爽好有魚香，加上少少既醬汁，更帶出左秋刀魚既鮮味。
至於深海池魚入口比池魚更加爽口彈牙，肉質厚實，唔錯。
仲有龍蝦湯，清甜之餘仲好鮮味，不過就有少少難夾到Ｄ龍蝦肉，如果食既係龍蝦鉗就好了。
之後仲有得食甜品，我就食左柚子雪葩，雪葩酸酸甜甜好Refreshing，口惑有少少似雪糕，好得意，但感覺冇咁罪惡，呢餐真係食到好滿足。
張貼
