神經餵飼 (已結業)

今日嚟到呢間想來好耐嘅餐廳，發現呢度嘅嘢食都幾健康，除咗有各款三文治之外，仲有沙律、茶漬飯、意粉等等。今日突然好想食啲亂粒粒又飽肚嘅嘢，就揀咗茶漬飯。但最矛盾嘅事又發生左啦。我一向都好鍾意食魚，但係就唔識lur骨，所以我揀親都係一啲比較少骨嘅魚。通常鯖魚都係好少骨，一向深得我歡心，點知今日我食嘅鯖魚就真係好多好多好多好多好多骨，多到一嘛落去我就已經插親。咁條魚多唔多骨又真係唔關間餐廳事嘅，只係我唔好彩姐。講返個味道先，成個湯底都真係幾好味，夠晒清甜，啱晒鍾意清清地嘅我。而家鯖魚都入味，夠晒鹹香。最鍾意佢上面有一粒梅子，酸酸地，調一調味，真係唔錯架。