影片
更多
2022-07-05
182 瀏覽
Long weekend過後又要返工，仲係holiday mood下放工約左老友食餐好嘅，兩兄弟食串燒飲返杯就最適合不過。呢間「芝加哥串燒酒場」係大埔已經好想去，但位置比較吊腳，近期終於係元朗開左分店了，點可以唔試下？餐廳有個好靚嘅bar，可以睇到調酒師炮製飲品，仲有個好大嘅電視，可以想像到如果有波睇氣氛肯定好好。黎得呢度串燒當然係主打，係等嘢食期間，先來兩杯飲品摸摸杯底：Around The World : 以Malibu、coconut、vodka、pineapple juice及soda調製而成，賣相呈橙黃色，有一大塊菠蘿乾係面，非常吸引，飲落酒味唔重，熱帶風味十足，消暑一流。蜂蜜青檸梳打 :唔飲酒嘅朋友揀左呢杯青檸梳打，值得一讚嘅係蜂蜜同青檸梳打係分開上，咁客人就可以按自己喜好加入蜂蜜，唔駛驚太甜。等左一陣，串燒就到了，第一盤先有豬頸肉、雞軟骨、金菇牛肉卷、燒大啡菇、原條鰻魚、燒冬菇、牛小腸及一口和牛串，原條鰻魚好肥美，配埋秘製醬汁好惹味，燒大啡菇中間有煙肉同半熟蛋，大啡菇混埋蛋汁，非常juicy；而個人最推介嘅係汁燒牛小腸，入口煙煙韌韌，多汁得黎仲好入味。第二盤有鹽燒雞翼、
呢間「芝加哥串燒酒場」係大埔已經好想去，但位置比較吊腳，近期終於係元朗開左分店了，點可以唔試下？餐廳有個好靚嘅bar，可以睇到調酒師炮製飲品，仲有個好大嘅電視，可以想像到如果有波睇氣氛肯定好好。
黎得呢度串燒當然係主打，係等嘢食期間，先來兩杯飲品摸摸杯底：Around The World :
以Malibu、coconut、vodka、pineapple juice及soda調製而成，賣相呈橙黃色，有一大塊菠蘿乾係面，非常吸引，飲落酒味唔重，熱帶風味十足，消暑一流。
蜂蜜青檸梳打 :唔飲酒嘅朋友揀左呢杯青檸梳打，值得一讚嘅係蜂蜜同青檸梳打係分開上，咁客人就可以按自己喜好加入蜂蜜，唔駛驚太甜。
等左一陣，串燒就到了，第一盤先有豬頸肉、雞軟骨、金菇牛肉卷、燒大啡菇、原條鰻魚、燒冬菇、牛小腸及一口和牛串，原條鰻魚好肥美，配埋秘製醬汁好惹味，燒大啡菇中間有煙肉同半熟蛋，大啡菇混埋蛋汁，非常juicy；而個人最推介嘅係汁燒牛小腸，入口煙煙韌韌，多汁得黎仲好入味。
第二盤有鹽燒雞翼、 車厘茄雞髀肉、日本一口蕃薯仔、燒三文魚柳及燒羊架，鹽燒雞翼外皮燒得香脆，用少少鹽調味已經好惹味，一口蕃薯仔好鮮甜，燒羊架可以揀幾成熟，我地揀左五成熟，肉質仍然鮮嫩多汁。
另一個人推薦嘅係鹽燒鮮白鱔串，上檯時真係”嘩”一聲，完全無想像到咁大件，白鱔皮燒得好脆，魚肉好嫩好好味。
食完咁多肉都要食返d菜，叫左蘆筍及粟米，當中粟米加左蜜糖燒，入口好鮮甜，有助減輕油膩感。
張貼
