銅蒸涮涮音樂火鍋餐廳 (已結業)

世界杯季軍賽，臨時同朋友想搵餐廳食野兼睇波，湊湊熱鬧，打左好多間都話full，不斷努力下，終於搵到呢間喺佐敦嘅火鍋放題，晚上9:30入座$198任食，搵到個有利位置，兩個方向都睇到波，仲幾清楚，全場一齊睇波一齊緊張一齊叫，氣氛十分好。呢度任食之餘都有任飲，除左紙包飲品同汽水外，比較特別有下火嘅夏枯草一榨榨咁拎，我地飲得最多。揀左加錢要個澳門豬骨鍋，初頭清清地幾好，後尾越來越多胡椒味。手打丸，大大粒。餃類皮薄薄，不過餡太咸。肥牛對我黎講肥左少少。我最愛都係蔬菜類，特別鍾意超甜嘅粟米同蘿蔔，油麥菜都好食，蔬菜類都好乾淨新鮮，可惜最後部分菜無晒，蝦都幾新鮮，但每次人頭比，只係叫左兩round。上面呢個鍋係蒸海鮮，得細蜆同青口。豬骨都可以拎出黎食。服務方面，店員都幾busy，初初等鍋有d耐，不過都無漏單，只係最後無生菜無通知我地。