759車仔麵 (已結業)

睇戲前還有時間就找個地方食吓嘢先見到759，平時買嘢多，佢開左車仔麵就未試過，就即管試下先睇價錢唔係太貴，而且有759會員咭有八折添我就選左個三餸車仔麵都係$32蚊，如果想加底$7,加餸$6,選醬汁加$2,熱飲$6,凍飲$7,我要左：粗麵、韮菜餃、牛孖筋、鹿兒島式豬軟骨，另加$2選左秘製沙爹汁，買完食物先可選位坐，鋪太细冇乜位，好難先找到位，坐低大約5-8分鐘，有待應攞住碗麵叫號碼，你舉手待應就會送麵到你面前，睇碗麵已呢個價錢，餸既份量差唔多，首先試吓個秘製沙爹汁先，個味好濃好嘢味，另到碗麵提升左唔少味道粗麵既麵質都幾好，煮得恰到好處，沾上沙爹汁更好味韮菜餃好大隻好多韮菜，牛孖筋唔靭，鹵得好入味鹿兒島豬軟骨好淋，唔痴牙都好入味，整體上有d水準。