入到去，有個唔知係女店員定老闆娘，好貼心咁講解今日10蚊隻嘅生蠔係咩產地同其他資料等等，咁我女朋友唔食生蠔嘅，我就叫住兩隻食左先。另外我地叫左石板牛舌，意大利第一女皇Pizza同埋卡邦尼意粉
首先黎左兩隻生蠔先，今日嘅生蠔係南非生蠔，海水味較重，少少甜，蠔肉新鮮飽滿，都好抵食👍🏻👍🏻👍🏻食完即刻叫多4隻，唔夠喉🤣🤣
然後黎個可燒牛舌，首先真係要小心彈油，係會彈到周圍都係，但唔講呢樣野，牛舌真係好好味，好重牛肉味，而且肉質爽口唔un，諗起都已經想再食🤤🤤
接住落食多4隻生蠔先到卡邦尼意粉，意粉好足料好多煙肉，好creamy 又唔會太乾，記得要襯熱食哦，暖笠笠好好味。
最後黎嘅係第一女皇pizza，唯一唔好係要等好耐，可能因為係即叫即焗啦...Anyway個Pizza好好味，餅皮脆卜卜，又唔會太乾，Yummy Yummy😋😋
整體黎講都係充滿驚喜，可以一試🥰
