八哥主題餐廳 (已結業)

香港好少有以狗仔為主題嘅餐廳，身為愛狗之人嘅我，經過見到一個傻更更嘅八哥頭象，本身以為係賣寵物用品點知原來係cafe嚟㗎！！咁可愛又咁特別唔食點得呀。本menu都印有八哥嘅大嘜頭，真係好得意。煎焦糖鴨肝配砵酒汁，鴨肝煎到有少少脆面 咬落好有油脂香，啲鴨油係口到爆發出嚟，一定要配埋砵酒汁食，個人覺得食落會清爽啲同無咁油膩。碳燒西冷扒，碟邊有隻細pug係到好qq呀，西冷扒要咗五成出嚟熟咗啲啲，肉質都算軟嫩多汁。法式羊架，依隻pug就無咁清楚啦。羊架要咗五成出到嚟岩岩好五成，肉夠嫩夠juicy羊味濃郁，咬落啖啖肉好享受。法式焦糖燉蛋，焦糖脆面燒得唔夠均勻，但佢入面嘅燉蛋好嫩好滑，仲好香雲呢拿味，細細個岩岩好作為完美ending。