嗌咗個鐵板燒鮑魚餐，菜式幾豐富又唔算太貴。
前菜除左賣相精緻外，仲好清新開胃，頓時胃口大開🤪
店員剛呈上海鮮盆嘅時候我地都不禁嘩然！飽魚超！大！隻！足足有一個拳頭咁大，上盆時仲好生猛新鮮，而且仲非常濕潤有光澤👍🏻 師傅烹調前會先詢問我地要厚切定薄切，只見佢手藝相當純熟的將鮑魚同粒貝分件再炒香，兩者口感爽脆，加埋香口嘅調味，令人不禁一口接一口！
鵝肝配無花果黑醋
鵝肝油潤且入口即融，油脂味好香！加埋伴碟嘅多士同黑醋一齊食，中和油膩感。
美國安格斯肉眼
師傅將牛肉切粒，放上印咗logo嘅麵包上，賣相吸引。牛肉粒脂肪肉質比例非常均勻， 唔會太肥膩，嫩滑中帶點咬口，牛肉味道香濃，配埋蒜片食一流！
炒時令野菜
野菜炒得好爽脆之餘調味亦做得唔錯，食落香口惹味👍🏻
櫻花蝦炒飯
飯炒得粒粒分明唔會太濕潤，加咗櫻花蝦令原本帶點煙韌嘅飯更有口感！雖然已經食到飽飽地，但都係讓人忍唔住一口接一口！
甜品
好奇心驅使揀咗雪糕，因為店員話原來係wasabi 味😱 食落去真係有股 wasabi嘅味道 辣辣地但不嗆喉，而且出奇地用作雪糕黎講一d違和感都無仲幾好食🤪
