影片
更多
2019-09-11
847 瀏覽
係銅鑼灣返工有樣好，無論平民餐，定係富貴餐，想食咩都有得揀！今次同成班同事去左南小館Plus Lunch~🐖冰鎮咕嚕肉 ($98)好有效果😍一上枱大家都嘩一聲，因為咕嚕肉以乾冰襯托，好有仙氣，但係大家唔好顧住影相，呢道菜嘅精粹在於冷靜與熱情之間對味蕾嘅衝擊，熱辣辣嘅酸甜汁被冰封係咕嚕肉嘅表面，酸甜惹味，外脆內軟，凍左就會淋曬，冇咁好食嫁啦！🥟小籠大滿貫 ($78)大大嘅蒸籠裡面，載住5個唔同顏色唔味道嘅小籠包，好吸睛！💚綠色 - 帶子鮮肉小籠包 ⚪️白色 - 鮮肉小籠包❤️紅色 - 麻辣龍蝦小籠包⚫️黑色 - 黑松露小籠包🧡橙色 - 生拆蟹粉小籠包大家share嘅關係，我揀左橙色嘅蟹粉小籠包，蟹粉混入豬肉裡面，啖啖肉得黎，又帶輕輕嘅蟹味，皮薄得黎又唔會漏汁，唔錯嘅選擇！🐟招牌老壇酸菜魚 ($188)雖然面頭舖滿辣椒，但並冇想像中咁辣，呢個酸菜魚屬於偏酸嘅一種，魚肉滑嘟嘟，肉質挺身，如果食得辣的話，就真係要飲下佢嘅湯底，酸味帶頭，然後有種後勁嘅辣，加上煎香左魚味，成件事好和諧😋🥔紫淮山小炒 ($68)素食者之選！淮山成日食，紫淮山就等一次，味道同淮山差唔多，不過營養價值......仲有爽口萵筍
🐖冰鎮咕嚕肉 ($98)好有效果😍一上枱大家都嘩一聲，因為咕嚕肉以乾冰襯托，好有仙氣，但係大家唔好顧住影相，呢道菜嘅精粹在於冷靜與熱情之間對味蕾嘅衝擊，熱辣辣嘅酸甜汁被冰封係咕嚕肉嘅表面，酸甜惹味，外脆內軟，凍左就會淋曬，冇咁好食嫁啦！
🥟小籠大滿貫 ($78)大大嘅蒸籠裡面，載住5個唔同顏色唔味道嘅小籠包，好吸睛！
💚綠色 - 帶子鮮肉小籠包
⚪️白色 - 鮮肉小籠包
❤️紅色 - 麻辣龍蝦小籠包
⚫️黑色 - 黑松露小籠包
🧡橙色 - 生拆蟹粉小籠包
大家share嘅關係，我揀左橙色嘅蟹粉小籠包，蟹粉混入豬肉裡面，啖啖肉得黎，又帶輕輕嘅蟹味，皮薄得黎又唔會漏汁，唔錯嘅選擇！
🐟招牌老壇酸菜魚 ($188)雖然面頭舖滿辣椒，但並冇想像中咁辣，呢個酸菜魚屬於偏酸嘅一種，魚肉滑嘟嘟，肉質挺身，如果食得辣的話，就真係要飲下佢嘅湯底，酸味帶頭，然後有種後勁嘅辣，加上煎香左魚味，成件事好和諧😋
🥔紫淮山小炒 ($68)素食者之選！淮山成日食，紫淮山就等一次，味道同淮山差唔多，不過營養價值......仲有爽口萵筍、木耳，清新之選😋
🦐香辣干鍋蝦 ($98)惹味！惹味！惹味！
重要事情講三次！
辣得黎帶甜，唔會好辣，醬汁滲入蝦肉裡面，蝦肉彈牙，惹味香口😋
🦐招牌炒飯 ($88)果然名不虛傳，用咗蝦同肉鬆炒成，少少鹹，又有d辣，個人覺得係油左少少姐
🐠荷塘月色 (鯉魚年糕) ($48)IGable！用糯米搓成嘅鯉魚，淨係造型都拎滿分，加埋仙氣襯托，口感煙韌，打卡必備📸
🍮鮮芒果布丁 ($38)最後KO埋個個甜品，用新鮮芒果做嘅布丁，彈滑滿滿芒果味，食飽再開工💪🏻
張貼
