東海堂 (已結業)

東海堂出品的確係幾有品質，除了視覺上，味覺也並重，今天路過，發現又多左好多産品，有紫薯出品，豆乳製的，而我就買左以前好似冇見過的綠茶雪芳蛋糕，見佢綠很很，應該頗有綠茶味呱，打開包裝後，已經聞到陣陣綠茶茶香同牛油香氣 ，按一按，好鬆軟，食落仲真係有綠茶的味道有驚喜，以前食過標榜著綠茶味的雪芳蛋糕，顔色不是深墨綠色不特止，仲一D都唔覺有綠茶味道，又甜，呢個可以一試；除此之外，我仲買左紫薯撻，因為紫色實在太吸引我晚飯後享受一下，紫薯撻成杯雪糕咁，質地好滑，又唔甜，入面有幼滑的cream及少許海綿蛋糕，好濕潤，食得出好新鮮，因為撻皮亦係脆的，有塗上了朱古力醬，所以話東海堂的產品係唔錯架，起碼中伏的次數暫時未有