影片
更多
2018-02-13
132 瀏覽
之前睇某飲食平台介紹，見食物同環境都好吸引，今日同朋友特登黎試下。成間餐廳個格局一點都唔似火鍋，好浪漫既感覺，個夜景好令。仲有個室外位俾人摸下酒杯底🍸我們點左招牌亞古鍋。個湯底好濃郁，原來有花膠，螺頭，碎瑤柱做料，食落都好張咀，問反店員，原來煲左4個鐘，唔怪得咁入味。個花膠好大好厚，起碼有7頭。店員好有耐心，將d花膠剪好放入個鍋度。未食都已經飲左三碗花膠湯，好好飲，夠張咀，好淋😋亦叫左個蘿蔔牛蹄筋鍋。真係成隻牛腳熬個湯，店員拎個牛蹄筋岀來剪細俾我地食，食既部位係由抓位去到前腳筋，仿間都好少見可以原條牛腳筋食。質地好膠質，感覺好像好有骨膠原。我們叫左個特上頸芯刺身。對比之前食過另一間火鍋店既牛刺身，呢間個牛厚肉地好多，佢有兩個食法。1: 就咁點個醋食 2:放入鍋4秒。前者可以食到牛既原味，同幾開胃; 後者個牛味更加出，肉質好嫩，個人比較喜歡呢個食法另外，叫左個騸牯三寶。三寶分別有牛頸脊，邊抓，腩包。店員好詳盡介紹個食法。由牛頸脊開始食起，之後就邊抓，腩包。由外到內。個人鐘意腩包，好淋，牛味都重。之後叫左個碧綠豆腐。個樣好似百潔布😂面果層綠色係用菠菜做，幾特別。個豆腐好滑，同個菠菜都幾夾
成間餐廳個格局一點都唔似火鍋，好浪漫既感覺，個夜景好令。仲有個室外位俾人摸下酒杯底🍸
我們點左招牌亞古鍋。個湯底好濃郁，原來有花膠，螺頭，碎瑤柱做料，食落都好張咀，問反店員，原來煲左4個鐘，唔怪得咁入味。
個花膠好大好厚，起碼有7頭。店員好有耐心，將d花膠剪好放入個鍋度。未食都已經飲左三碗花膠湯，好好飲，夠張咀，好淋😋
亦叫左個蘿蔔牛蹄筋鍋。真係成隻牛腳熬個湯，店員拎個牛蹄筋岀來剪細俾我地食，食既部位係由抓位去到前腳筋，仿間都好少見可以原條牛腳筋食。
質地好膠質，感覺好像好有骨膠原。
我們叫左個特上頸芯刺身。對比之前食過另一間火鍋店既牛刺身，呢間個牛厚肉地好多，佢有兩個食法。1: 就咁點個醋食 2:放入鍋4秒。前者可以食到牛既原味，同幾開胃; 後者個牛味更加出，肉質好嫩，個人比較喜歡呢個食法
另外，叫左個騸牯三寶。三寶分別有牛頸脊，邊抓，腩包。店員好詳盡介紹個食法。由牛頸脊開始食起，之後就邊抓，腩包。由外到內。個人鐘意腩包，好淋，牛味都重。
之後叫左個碧綠豆腐。
個樣好似百潔布😂面果層綠色係用菠菜做，幾特別。個豆腐好滑，同個菠菜都幾夾。丸方面，叫左個四合丸。用四種材料混合。分別有墨魚，蝦，豬肉同金華火腿。
有墨魚既彈牙，蝦既鮮味，金華火腿既微香。
另外，仲點左瑤柱冬荀丸。食落幾爽口
當然唔少得菜盤，打邊爐必須品。
除了菜，麵都唔少得。見平時食烏冬食得多，今次點左台灣既關朝麵，聽就聽過食就第一次食，望落似上海麵，食落都幾爽口，有彈性。
話明有吧台，我們都叫左cocktail 同 mocktail試下。
呢杯係 Green tea temptation ,
個外型好得意。嗅落都好濃既綠茶味，但飲落就唔多覺有綠茶味，反而有些榛子味，甜甜地，唔似飲梗酒。呢杯叫Sakura dream.
大家都俾佢既外觀吸引。有些玫瑰花瓣係酒入面，呢個酒味突出d，少少甜。幾易入口。佢個造型真係好令😍
張貼
