餐廳座位好近衝浪區，絕大部份位置都可以無遮擋睇晒人哋衝浪，頭幾分鐘好得意🤪，好快就覺得幾嘈下🤯，水聲大到唔係好聽到隔離位朋友講咩。
食物方面，水準以上，有點驚喜。
泰式牛肉沙律🥗（$158）
份量不少，沙律菜新鮮，醬汁酸辣，牛肉約三成熟嘅粉嫩，入口軟綿綿、少少炭燒味。
1
黃豆醬炒椰菜仔（$128）
驚喜在唔係原個椰菜仔上（原個賣相可愛，但我啲牙唔係幾好，覺得少少硬）。佢係碎開一小嚿咁，混合蕃茄、類似蝦米仔嘅脆脆一齊炒，十分香口惹味。
青檸辣椒蒸盲鰽魚（$258）
條魚新鮮、夠大條厚肉，算對得住價錢。只係火略嫌太猛，好快就煮老了，有啲鞋。另外如果你食辣（ME譚x 2小辣），請大膽加辣🌶️🌶️🌶️，因為原味完全唔辣，調味偏酸。
芒果🥭糯米飯（好似$78）
唔知係唔係時令問題，芒果唔甜唔香、口感好淋，嚿飯同樣問題，好似一嚿痴笠笠嘅麵團咁，上面嘅椰汁都無味道，不建議叫依道甜品。
整體環境舒服闊落，幾有東南亞渡假feel，但室內比較嘈，如果想靜靜哋傾下偈建議坐室外。服務不得不失，叫做合格。
