大本瀛日式放題

營業中

休息中

之前都聽唔少朋友話唔好去萬兆食放題，又話漏晒單又黎唔足，食物又唔掂。不過咁岩係fb睇到呢間，再上黎睇其他人既食評之後就膽粗粗上黎試下啦，最緊要係宵夜唔貴，而且收得夜，岩晒!!先黎試試刺身，望落同食落都非常好，而且重點係佢帶子係比五蚊銀咁大既size,而唔食平野細細粒既珍珠帶子，仲有鱆紅同赤蝦，甚至有部分要加錢先會有，呢度唔洗加壽司一樣唔差，款式多，味道好除左壽司刺身，都試下沙律同小食啦，沙律就普通，始終味道麻麻，太港式，鳳爪，八爪魚同胡麻豆腐都係常見既到串燒同燒物，款式ok，但係好入味，牛柳粒好淋，羊架少少“蘇”，燒蝦好香，炸物亦係正正常常，中等質素。本身我好少放題食飯，朋友要試就陪陪佢，海膽唔係面頭放左就算，都有放少少落去炒架！仲有好多飲品揀，又有雪糕食，有位員工見我不停相機食先就同我講左幾句，話我好鍾意影相，重點係佢記得我訂位姓咩，又提返我地訂位有野送，不過最後都係冇到，算啦，兩隻蠔都係廿蚊姐。