流記香港仔艇仔粉 (已搬遷) 新店位置

咁啱同朋友出開去香港仔，沿途已經聽佢地係咁講附近有個艇仔粉好出名，但食唔食到就睇彩數。當下冇咩特別話一定要食到，都係諗住隨緣，點知係我地食完嘢之後就見到佢開檔，無論幾飽都要買番碗試啦吓話。見到叔叔隻艇，麻雀雖小，五臟俱全，呢啲時候就體現香港人嘅智慧，手起刀落，一碗粉就搞掂。一碗$30，咩都有啲，個湯頭都幾重胡椒味，個人嚟講覺得好好食。呢個價錢，咁多餸，我諗出去食碗魚蛋河都差唔多？呢到食嘅，除咗味道，仲有買少見少嘅香港味，如果大家見到叔叔開檔一定要試下！