影片
更多
2019-05-22
323 瀏覽
依間舖頭一早想試好耐，但係次次經過都大排長龍，冇乜耐性既我見到都唔想等😩但係今日7點鐘經過，見門口得2,3個人係到等緊，所以就決定一試😎-當等到差唔多有位既時候，會有人俾定餐牌你睇，幫你落定order，因為係即叫即整，所以製作都需要d時間。其實如果排左好耐隊，入到去仲要等好耐先有得食，真係會燥底😂食物主要分2款，一個係泡飯，另一個就係煲仔湯，個個都好吸引，又養生，真係想試勻哂！最後我地決定各嗌1個🙈-見食物份量都偏大，所以我地冇再另加小食，不過見好多客人都會嗌炸魚皮，如果下次再食，一定要試下！首先黎到既係真•魚腩海鮮雞件龍蝦泡飯🦞開頭以為飯🍚係連湯一齊煮，但係原來係分開上。龍蝦足足有半隻，當然第1啖就緊係要試下個湯底，望落雖然有d濁，但飲落係極鮮甜，完係係海鮮既鮮甜味，飲得出係落左心機，功夫熬個湯底出黎。海鮮份量一d都唔少，好足料，都數唔到入面有幾多隻蜆肉，另外仲有青口同魷魚🦑 龍蝦食落彈牙，完全唔霉，會有鉗係側邊俾大家鉗龍蝦食，不過都食到好狼狽，如果可以幫我地鉗一鉗個殼就好喇🤣雞件夠滑溜，食唔到有雪藏味！魚腩簡直冇得頂，吸哂湯底既精華，好滑，一個字，正👍🏻 個湯完全係偷飯賊，送飯係一
-
當等到差唔多有位既時候，會有人俾定餐牌你睇，幫你落定order，因為係即叫即整，所以製作都需要d時間。其實如果排左好耐隊，入到去仲要等好耐先有得食，真係會燥底😂
食物主要分2款，一個係泡飯，另一個就係煲仔湯，個個都好吸引，又養生，真係想試勻哂！最後我地決定各嗌1個🙈
-
見食物份量都偏大，所以我地冇再另加小食，不過見好多客人都會嗌炸魚皮，如果下次再食，一定要試下！
首先黎到既係真•魚腩海鮮雞件龍蝦泡飯🦞開頭以為飯🍚係連湯一齊煮，但係原來係分開上。龍蝦足足有半隻，當然第1啖就緊係要試下個湯底，望落雖然有d濁，但飲落係極鮮甜，完係係海鮮既鮮甜味，飲得出係落左心機，功夫熬個湯底出黎。海鮮份量一d都唔少，好足料，都數唔到入面有幾多隻蜆肉，另外仲有青口同魷魚🦑 龍蝦食落彈牙，完全唔霉，會有鉗係側邊俾大家鉗龍蝦食，不過都食到好狼狽，如果可以幫我地鉗一鉗個殼就好喇🤣雞件夠滑溜，食唔到有雪藏味！魚腩簡直冇得頂，吸哂湯底既精華，好滑，一個字，正👍🏻 個湯完全係偷飯賊，送飯係一流，唔經唔覺會食哂成碗飯🤤
-
好快個花膠螺片雞煲翅都黎到，加左10蚊跟餐，包左一碟油菜，飯同飲品，飯轉左做上海拉麵，其實就係上海麵，不過就幼身少少，個人認為配飯係好食d😌 雞湯一d都唔油膩，雞🐥有半隻既份量，食落似係新鮮雞，好滑，係真係有雞味，仲會有手套🧤俾大家手絲半隻雞，可以拎住隻雞脾慢慢咬🤣 花膠湯極滋補養生，食完都覺得皮膚好左，滑左🤭
-
唯一要彈既係嗌左2杯凍檸茶少冰少甜，係完全冇少甜冰到，甜到不得了😅 不過都係d小問題。仲有食完之後雖然門口有人排隊，但係侍應唔會即刻執走哂d野，有種趕你走既感覺，依點係做得好好，抵讚！👍🏻👍🏻👍🏻所以唔怪得知一直都keep住咁好生意啦！
-
Menu:
真•魚腩海鮮雞件龍蝦泡飯 ($98)
花膠螺片雞煲翅+套餐 ($68+$10)
張貼
